做齊3部曲！龔嘉欣放心同譚俊彥親熱

藝人譚俊彥與龔嘉欣在將軍澳電視城為無綫新劇《十八年後的終極告白2.0》拜神。2人戲中有曖昧關係兼有不少親熱鏡頭，她們「互冧高帽」笑指對方拍親熱戲經驗豐富，她笑說：「你個清單長啲，幾乎每套劇都有親熱戲。」他笑說：「你嗰啲好犀利喎，之前同啲小鮮肉，今次就試吓啲老臘肉啦。」

嘉欣指今次他們可謂正式第一次合作，大家認識「半生熟」，在熟悉與不熟稔之間，反而拍親熱戲更好，她笑說：「佢經驗好豐富，同佢學嘢，同佢拍親熱戲都好放心，佢會講清楚晒點拍。不過，拍親熱戲要戴住眼鏡，都有啲障礙。」

他則笑說：「有咩經驗，都係漱口、刷牙，事前溝通亦好基本要做。不過，今次要搵一個位，同佢除眼鏡。」他們又指今套劇集拍攝時間每日也10多20小時，感覺相當攰，在道具床也可以睡着。她笑說：「我樓上樓下都裝修，3面夾擊，所以有時都喺公司瞓。」