王祖藍上任「做官」　對住汪明荃口窒窒

無綫首席創意官王祖藍上任後，策劃配音競技節目《好聲好戲》與《日日媽媽聲》，他指節目廣邀全台藝員參與，考配音亦考演技，《好聲好戲》除了由阮兆祥和賴慰玲擔任主持，更請來汪明荃（阿姐）做主席評判。不過，在台上他對住阿姐卻口窒窒，他說：「梗係啦，初時同阿姐開會，阿姐聽到呢個節目，就問我有乜好睇呀。」

被余安安嗌落台

《日日媽媽聲》由3位星級媽咪余安安、陳凱琳及羅敏莊擔任主持，首集請來重量級嘉賓袁詠儀。台上余安安搞笑地向祖藍敬禮，笑謂對方是無綫第一個官，祖藍則說：「秋官（鄭少秋）先係無綫第一個官。」介紹節目後，余安安對祖藍說：「冇你嘅事，你落台啦！」祖藍自嘲說：「我成為第一個最快落台嘅高層。」

學習「做官」

祖藍受訪時被問到可習慣「做官」？他說：「唔慣，最唔慣朝九晚唔知幾多，今日開會傾藝員人工、續約，終於知道過去嘅神秘面紗，點樣去雪人、傾約、續約，依家都係學習階段，去了解唔同部門先。」他又指因要了解公司運作未能拍攝新劇，相信「金城安」周嘉洛會演得比他更好。