林盛斌老婆激瘦照曝光！雙腿幼到似火柴惹P圖疑雲

林盛斌（Bob）同太太黃乙頤（Pearl）結婚就快14年，人前人後勁恩愛，早前Pearl受到網民攻擊，Bob即挺身而出護妻，幾咁Man！向來湊仔女為重中之重嘅Pearl之前都冇理過自己身形，但仔女日漸長大，多咗時間嘅佢近日踩入社交網做KOL，決心減肥大翻身，真係只睇相都差啲認唔出係Pearl呀！

尋日Pearl就喺社交網擺咗張單人相，相中嘅佢比之前話減肥時，再瘦多兩個圈，面尖尖之餘，佢雙腿仲幼到好似火柴咁，但有網民發現，佢右腳內彎到不合人體工學，問佢係咪P圖過度。不過亦有網民好奇Pearl點減肥，希望佢過兩招嚟使吓！