隨時Ready造人!陳展鵬爆老婆日日都要

2021年03月25日 22:08
東網電視
更多新聞短片
藝人陳展鵬重返樂壇,並將新歌《零歲》送給女兒,他表示之後會送一首歌給太太單文柔(Phoebe)。昨日(24日)是他的寶貝女「小豬比」的2歲生日,但他就要為無綫劇集《黯夜守護者》開工,受訪時問到何時生多個湊夠「好」字?他說:「其實我同太太都真係諗過,阿女好懂性、算係乖嘅,生多個可以有人陪佢玩吓,有個細佬或細妹,將來佢又會識點去照顧人。」問太太是否Ready?他說:「佢驚我未Ready啫!佢想我日日都Ready。」
Phoebe隨時可復出
Phoebe為湊女,已甚少做幕前工作,問到何時「放生」太太?他表示若然對方想「復出」,隨時都可以,又謂:「其實好多人都爭住湊阿女,好多親戚都話,如果我哋做嘢都可以幫手睇住,不過我見太太平時湊住個女都好開心、好Enjoy,所以睇佢自己想點啦!我真係冇所謂,佢開心就得。」
頹爆講嘢無厘神氣
他拍攝一場出車營救江嘉敏的戲份,看到他於劇中的角色不論造型、演繹上都比之前的「頹」,他解釋謂:「個角色講我以前係臥底,之後遭遇到一啲事,性格比較迂腐、為人簡單。(咁咪好悶?)係呀!(趁機可以抖吓!)但場場戲都有我咁滯,喺劇入面講嘢我都係無厘神氣。(返到屋企對住個女都係咁?)哈哈!好少少啦!」