撐朱智賢復出！謝東閔孖李成昌跳樓戲嗌畏高

藝人謝東閔、李成昌昨晚於深水埗為新劇《黯夜守護者》拍攝一場跳樓戲，二人上到一座六層高的唐樓，劇情講述李成昌飲醉跳樓，陳煒、陳展鵬及江嘉敏等前來勸阻，而現場有替身代拍危險鏡頭。訪問時，謝東閔不諱言有畏高，雖然拍過古裝劇，但就未嘗吊威吔滋味，都欲一試！而從影多年的李成昌亦笑言：「以前冇畏高喎！反而依家有，不過一陣都要企出去，所以都綁定威吔！」

此外，謝東閔被問到女友朱智賢「復出」時，坦言支持對方，他說：「佢ok呀！會同佢加油，佢係一個好努力嘅人，之前佢休息時都經常行山、拍片，仲自己剪埋片添！都好犀利！」

而拍攝前有多名男士前來自稱業主，向劇組人員質問有沒有通知，經工作人員溝通後眾人離開，劇組亦得以順利拍攝。