林子聰北上開工最掛住一對仔女

藝人林子聰（肥仔聰）於電影《少林足球》飾演「輕功水上飄」六師弟而人氣急升，之後他不斷努力，無論幕前與幕後的發展都相當不俗，曾為電影《美人魚》任執行導演，亦是內地甚受歡迎的劇集《活佛濟公》裏的廣亮大師，現實生活中，他是一位好老公和好爸爸，2019年1月，太太生女兒菲菲（林海菲）時，出現嚴重血崩，幸最終能逃出鬼門關，林子聰當時每日衣不解帶照顧妻女以及在家的兒子滔滔（林奕滔），不辭勞苦。

如今一家4口齊齊整整，開開心心，菲菲已是一位肥肥白白的小女孩，大仔滔滔亦愈大愈靚仔，提起兩個小朋友，肥仔聰笑不攏咀，並指：「佢哋兩兄妹都好乖，哥哥好錫細妹，成日同妹妹玩，又會就妹妹。（妹妹係咪好嗲你？）係呀，但我個仔仲嗲。」

剛過去的農曆新年肥仔聰留在香港陪伴家人，近日又要再北上開工搵「奶粉錢」，他謂：「依家喺內地隔離緊，將會接拍一部喜劇，希望可以帶畀觀眾歡樂。」肥仔聰揚言離開香港當然會很掛住家人，會靠視像電話跟他們「見面」。