楊丞琳表演時跌耳環！世界級執生盡顯功架

台灣女星楊丞琳近日參加內地綜藝節目《乘風破浪的姐姐2》，嚟到第4公演，佢同張栢芝等人合唱歌曲《起風了》，戴上特大耳環嘅佢，喺表演嘅時候，突然間一邊耳環跌咗落嚟，因為平時見慣大場面，即一邊感情真摯咁唱歌，一邊勁快用手夾緊耳環，扮摸心口，獲網友大讚臨危不亂，示範咩係世界級執生！

但其實淡定背後，佢原來起初唔知道耳環跌咗：「我剛剛唱到第一句，你們看到我有沒有撐着？」之後江映蓉即話：「這個掉了都不影響。」佢聽到之後隨即放下心頭大石。