「後生女」波波超緊身衫勁澎湃 朱敏瀚:直接舉佢啦!

20210327
東網電視
更多新聞短片
「後生女」波波(黃凱儀)喺無綫J2節目《#後生仔傾吓偈》向來都係風頭躉,喺新一集佢又無限出位,今次靠咩?咪又係佢人如其名嘅身材囉!
呢集成班後生仔女齊齊宣傳新節目《解構心機女》,而幾位後生女就大擺約會時嘅「心機Look」,波波一出場就驚為天人,佢一剝外套,超緊身衫下澎湃上圍盡現人前,就連見慣大場面嘅馮盈盈都睇到嘩嘩聲,已有索女友余思霆嘅朱敏瀚更尷尬非常,又講笑話:「呢啲唔夠膽睇,返屋企要跪鍵盤。」
朱敏瀚之後又揀心目中後生女之最,佢就話:「呢集出街後我真係返唔到屋企,希望佢(指余思霆)冇睇到。」跟住有人問如果波波呢身打扮出現喺Gym Room,朱敏瀚會舉多幾磅鐵?佢就話:「仲舉?直接舉佢啦!」講完呢句佢心知不妙,又補充話:「澄清番!我平時做Gym係同男仔做,佢叫張振朗!」