歐倩怡絕密劉海頭曝光　網友：減齡10年！

郭晉安老婆歐倩怡（Cindy）雖然已經41歲，但學海無涯，佢之前仲完成營養學學士學位，唔少人都話佢叻呀！話時話，Cindy真係好識保養，又狂做運動操出馬甲線，所以呢個世界真係只有懶嘅女人囉！而佢又為自己變身，今次就去髮型屋整咗個劉海頭，網友話佢即時減齡10年，大讚佢好青春呀！

不過學乜都叻嘅佢，遇上大難題，原來劉海真係好難吹，連Cindy都投降話：「次次都係咁！髮型師每次都花時間教我點樣吹fringe（劉海），每次返到屋企都吹唔番，我呢方面的能力及天分係零！」冇人樣樣精嘅，網友就叫佢去髮型屋整頭囉，橫豎老公大把錢！