敖嘉年操肌搣甩排骨仔　蔣家旻張達倫留言搗亂

藝人敖嘉年當年於無綫劇集《巾幗梟雄之義海豪情》中「排骨仔」一角深入民心，估唔到依家佢做啲乜，啲人都會加埋「排骨仔」一齊諗。佢喺社交平台上載做GYM嘅相片，操緊臂真係手瓜起?，大隻咗好多，佢仲留言話：「還有5個月，就是為了一個角色，排骨加油啊！」究竟嘉年要拍咩劇要操到咁大隻就未有透露，不過就有好多圈中好友留言，之前合作拍《欺詐劇團》的蔣家旻就笑佢：「你邊忽係排骨呀？大少！你直頭出盡屙屎嘅力量做緊GYM！」張達倫又趁熱鬧留言叫蔣家旻：「你都操吓啦！除咗把口！」她即回應：「我個嘴天生完美，操唔操都唔會變到似你咁！」難得「排骨仔」認真狂操，佢哋居然喺度搗亂，真係搞事。