細女醉心魔術 謝安琪做頭號粉絲:整個課堂被震驚

20210328
東網電視
更多新聞短片
歌手謝安琪(Kay)嘅囡囡張靖(Karina)啱啱過咗4歲生日,呢日Kay就同大家分享,原來人仔細細嘅Karina竟然識表演「魔術」!事緣囡囡有份功課要扮書中人物演繹當中情節,鍾意魔術嘅囡囡就揀咗本關於魔術嘅書同準備咗個魔術表演,扮成吉卜賽女孩嘅囡囡,預先將小玩具收埋喺盒,然後揭開紗巾,大聲數123就將小玩具倒出嚟完成「表演」,難怪Kay抵死話:「小朋友這個魔術更可以說是1秒已將大家K.O.了,我感到整個zoom課堂也被震驚了,演出很令人難忘!」
見到大家反應咁好,囡囡之後再加碼表演畀Kay同哥哥張瞻睇,今次就表演「大拇指消失大法」,見到佢信心滿滿咁將手指公收埋,然後又秒速伸番出嚟,咁就表演完啦,十分可愛,哥哥仲好畀面咁「嘩」咗出嚟!
Kay又話囡囡對魔術表演嘅熱誠贏得知名魔術師甄澤權嘅欣賞,臨尾又sweet爆咁同囡囡講:「無論你長大之後,還記不記得自己曾經喜歡表演魔術,亦無論你會否真的成為魔術師,我們永遠是你人生最忠實的粉絲!」