跟劉穎鏇談情　羅天宇一個原因要挺起胸膛

藝人羅天宇向來與家人租屋住，孝順的他一直望有朝一日能置業，好讓母親享受人生，日前他受訪時透露近年已積極儲錢，又開始學識投資股票買賣，不過為怕一鋪清袋，每次也不會重錘出擊，問到可有斬獲？他笑說：「股票每日都會有上落，自己冇可能每分每秒都睇實個市，所以多數都會投資啲穩陣啲嘅股，叫做都有進帳。（距離買樓嘅首期又近一步？）都仲有好多步，不過買樓係我目標，覺得始終買乜嘢都唔夠磚頭實質，但又擔心買咗之後，供款會好吃力，惟有儲多啲彈藥先。」

而近日參演的劇集《大步走》，與小花劉穎鏇有感情線，面對女方身形高挑，天宇坦言拍攝也有擔心過：「佢着有踭鞋一定高過我，所以同佢拍對手戲盡量都挺起胸膛，否則我會變咗好似冬瓜咁！」