湯洛雯行山包到冚遮肥肉　高海寧晒纖腰搶晒Fo

藝人湯洛雯（靚湯）近日同男友馬國明因工作分隔兩地，兩人各有各忙，佢仲要為新劇努力減肥，進行斷食減肥法。尋日佢就孖住瘦到有「漫畫腰」嘅高海寧（高Ling）齊齊行山，見望落清減唔少嘅佢，着住運動裝展現美好身段，下巴尖尖似乎「靚湯」之名好快回歸！

不過佢似乎信心未夠，影大合照竟然換上白色鬆身衫遮住肥肉，而有「漫畫腰」嘅高Ling，當然係大騷纖腰，更喺沙灘上大擺多個甫士，信心滿滿晒身材，唔知靚湯今次有冇順手向對方請教瘦身心得呢？

另外，靚湯再晒自己喺沙灘狂奔嘅影片，佢重演演員李兆基喺《食神》沙灘狂奔一幕，非常搞笑。佢都忍唔住話：「係好崩壞，但我實在忍唔住要Post！」