江嘉敏爆例牌遲到　馮盈盈：成年冇約過啦！

由馮盈盈、賴慰玲、戴祖儀、劉佩玥及江嘉敏主持的全新節目《解構心機女》首播，邀來張振朗擔任嘉賓，解構身形嬌小女生的「機心」，以及約會時「例遲」等問題。張振朗被幾位女主持踢爆一直鍾情矮小女生，他一臉靦覥，然後補充說：「可能係因為有種想保護佢嘅感覺。」

當談到女生向異性「借衫」時，他們都一致認同此舉動證明其實對對方「有意思」。賴慰玲說：「以前排戲都凍，好熟嘅女仔叫我凍死，都唔好問在場男生借衫着。」祖儀即自爆：「以前試過同男仔去睇戲，佢借咗件衫畀我，我趁機攞咗返屋企，夜晚攬住嚟瞓！」

談到約會遲到，盈盈即搶住說：「有樣嘢叫Fashionably Late，即係好似約人傾生意，遲5分鐘到畀佢哋準備。」想不到此話一出，江嘉敏即謂：「怪唔得我哋約佢（盈盈）出街，有咁多藉口遲到啦！」振朗接着自爆：「我會唔會等，都係睇自己鍾唔鍾意個女生，試過喺雨中我等位異性等足2個鐘，佢嚟到咩解釋，就真係唔記得嘞！」幾位女主持即異口同聲接着說：「遲到咁耐，已經證明咗你冇行啦。」

馮盈盈接受東網訪問，問到江嘉敏爆她經常遲到，她說：「有啲咁嘅事？因為工作太忙，我同嘉敏對上一次約出街見面都已經差不多一年前喇，咁耐之前嘅事，我都已經唔記得詳情喇，如果我同佢之前見面真係有遲到，我講番聲對唔住，希望佢唔好再放係心上啦。」