謝安琪仔仔張瞻變港版Stevie Wonder　絕密靚聲聽出耳油

張繼聰同謝安琪都係歌手出身，佢哋下一代自然充滿音樂細胞。仔仔張瞻果然有阿爸阿媽風範，喺屋企大展歌喉，佢並唔係唱普通嘅歌，而係唱美國殿堂級歌手Stevie Wonder名作《Isn't She Lovely》 ，又真係唱得兩咀！

阿聰亦將仔仔呢條片放上社交網開心Share，片中張瞻睇住手機歌詞，雖然見唔到阿聰同謝安琪入鏡，但相信係阿爸彈結他伴奏、阿媽就從旁指導。而張瞻真係對自己好有要求，唱錯少少就即刻碌地再嚟過，連謝安琪都忍唔住示範一次唱畀個仔聽，好有愛呀！

唔少網民都叫佢哋下次加埋妹妹一齊唱，又話好掛住謝安琪嘅歌聲。但最重點係，雖然佢哋嘅大廳之前已經見過，不過咁Wide Shot都係第一次，話佢哋客廳超巨，真令人羨慕。