【養胎玩Q＆A】湯怡揀定順產　晚晚消夜輕20磅

藝人湯怡上月與麥秋成結婚，現懷孕近5個月嘅佢專心留家養胎，不忘同粉絲喺社交網互動。尋日佢大玩Q&A，除咗透露懷孕初期感到好攰及反胃作嘔之外，仲話會打算順產。唔好睇佢四肢纖幼，其實食量驚人，見除自製健康芝士炒蛋多士，仲有媽媽嘅愛心靚湯，佢亦自爆有段時間食極唔肥，晚晚消夜食漢堡包，仲比依家輕20磅！網友估計嗰時一定係壓力所致，叫佢依家要好好休息，畀自己同肚裏嘅BB健康地成長。

此外，佢亦自爆差啲同好友反面，但好姊妹之間只要萬大事有商量，就能解決問題，續指經常被人誤會，直言大部人只睇表面：「但我唔鍾意解釋，真正了解同認識我嘅人知道就要夠了。」