蔡思貝整蛋糕送陳瀅　未到手已遭殃：It's art

藝人陳瀅即將開拍古裝新劇，原先會同好姊妹蔡思貝一齊合作，但最終蔡思貝嘅角色換咗JW來演，二人惟有等下次再有機會先合作。之前陳瀅於加拿大返港後要於酒店隔離，現時隔離完畢，二人即急不及待約見面，一身紅色打扮嘅蔡思貝做「禮物女郎」，為陳瀅送上親手製嘅蛋糕，本身蛋糕就色彩十足，但靚唔靚就真係見仁見智喇！唔知係咪蔡思貝赴約時太心急，有一件Cake甩咗個字母蠟燭，難怪陳瀅都不禁謂：「Oh My God！」

不過蔡思貝就表示原來呢個蛋糕喺對方生日，即係10月時已經整：「我將呢個Cake變咗標本，依家變咗藝術品，咁佢就可以Keep一世！（點解有支蠟燭跌咗？）專登㗎！左邊完整嘅代表Party前，右邊跌咗蠟燭嘅係After Party，兩邊有對比嘛！」要Keep一世，真係有啲壓力喎！