拍住馮盈盈麥美恩　麥大力成功戒怕醜

馮盈盈與麥美恩除了有劇集《智能愛人》劇推出賀myTV　SUPER台慶外，亦會聯同獲力捧的麥大力、朱敏瀚及簡淑兒主持特備節目《Super　Five》，5人肩負不同任務，涉獵範疇有動有靜，除了登山、遠足、Camping外，麥大力亦會大展「暖男」本色表演沖咖啡，當日他與攝製隊到黃婉曼的餐廳取景時，冧得人妻黃婉曼暈得一陣陣。

麥大力自去年底於《衝上雲霄大選》贏得冠軍後，今次可算是他第一個熱身演出，性格慢熱的他，面對新的工作拍檔，又要試不同項目挑戰，他受訪時笑言已開始融入演出：「好開心可以識到呢4個咁有才華嘅人，另一方面，我第一次演出好緊張，同盈盈佢哋又唔太熟悉，有啲怕醜，所以初頭2日都好靜，到拍到第5日就舒服好多，慣咗面對鏡頭，覺得愈來愈好！」