馮盈盈見《胭脂扣》如花「真身」有乜Do？

藝人馮盈盈自成為港姐冠軍入行後，佢就劇集同主持雙線發展，不過原來佢密密發展新方向，尋日佢就上載同配音界殿堂級前輩龍寶鈿見面，睇嚟佢都準備踩隻腳入聲演界！

見馮盈盈非常有禮貌出Post答謝對方肯撥冗同佢見面，除大讚龍寶鈿無私指導佢嘅配音技巧同竅門，又應承會努力練習，學習以聲傳情，唔少網友都大讚佢好學精神，仲好期待佢有咩新搞作添。

而龍寶鈿其實係配音界猛人，當中《胭脂扣》嘅「如花」、《賭聖》嘅「綺夢」、《審死官》嘅「宋世傑」夫人等，真係一講角色名個腦都已經有聲！