心機女偽素顏最高境界！收割男神茶藝妝教學

講起「收兵」，大家一定諗起「娘娘」，但其實「綠茶婊」一樣咁勁！綠茶婊亦可以理解為「心機女」，係形容啲睇落好清純、楚楚可憐，但其實好有心計，會利用自己優勢去攞着數嘅女仔。呢種女仔最鍾意喺人前扮可憐，而且通常會話自己唔識化妝，成日以直男眼中嘅「素顏」示人，但其他女仔一睇就知佢係「偽素顏」！

依家呢個世道，一街都係綠茶婊，個個Po床照都Tag「#IWokeUpLikeThis（我起身就係咁樣）」扮素顏，要自保又點可以唔學番一、兩道「茶藝」傍身先？所以嘉琪喺今集《跟琪流行》就為大家送上心機女茶藝妝教學，化完包你就算學唔到綠茶婊嘅心機，個樣都同佢哋一樣「人畜無害」，想收割男神話咁易！來來來！請！用！茶！