吳偉豪同何泳芍冇聯絡 唔敢認同圈外女友分手

2021年04月01日 16:16
東網電視
更多新聞短片
藝人吳偉豪在將軍澳電視城出席處境劇《愛.回家之開心速遞》「愚」樂復活節活動。他講到有指周嘉洛將暫別劇組頂替王祖藍拍攝新劇,他說:「有睇報道,但係唔清楚,如果係真當然戥佢好開心。(羨慕?)有機會拍其他劇當然係好事,自己就隨緣啦。同佢訓練班出嚟都已經一齊拍咗6年,都仲未厭,會唔捨得呢個好兄弟。」
他最近傳出與年長10年的圈外女友Charlotte甩拖,並與何泳芍(Honey)撻着,席間被湯盈盈、單立文整蠱,取笑復活節要去拍拖行山放狗。講到新戀情他則否認說:「冇咁嘅事,其實張相係1年前影嘅,亦唔係單獨約會,同佢都冇聯絡。(話你同Honey去酒店Staycation?)冇咁嘅事。(同圈外女友甩咗拖?)感情事一向都好低調,唔回應。」