何雁詩預告封套袒胸露「髀」　老公鄭俊弘唔詐型

歌手何雁詩本月中將自資推出一張EP，收錄了過去自製的4首歌，日前她為電台一個演出而排練，並找來新相識的樂手合作，她說：「我都想做多啲Live表演，搵多啲唔同方法畀大家認識我嘅作品，我好想玩一次快閃busking，依家睇吓有冇邊區適合，睇吓會唔會有緣見到大家。」

最近染了一頭藍髮的她以新造型拍攝封套，她說：「我搵咗幫林家謙做EP嘅封面設計朋友幫我整，我見林家謙啲封套都唔使賣肉，一心諗住我都唔識露肉，呢排仲狂扒飯，點知去到拍攝嗰日又要露大髀又要露心口，殺我一個措手不及。」

她笑言老公鄭俊弘未有詐型，她說：「我都有同設計封套嘅朋友傾，我唔想畀人感覺好賣弄性感，我自己覺得只要我着乜衫、化乜妝，只要女人本身自信，就有股吸引嘅力量。」而大碟名是來自小時候，媽媽經常唱一首歌給她聽，寄語她推出這張唱片後，將來條路要點行，都要抱寬容的心就得了。