【姜糖陷梅窩】拍攝被迫取消　姜濤鬧爆粉絲掀罵戰

ViuTV人氣王姜濤每到之處，都會引來大批「姜糖」蜂擁而至，姜濤與組合MIRROR到大嶼山梅窩拍攝節目，一班為數200人的姜糖追星追到梅窩，由於人數眾多，阻礙了拍攝，隊長Lokman帶領隊員一字排開，呼籲粉絲離開未果，姜濤曾當面斥責粉絲，結果拍攝工作仍被迫取消。

事後姜濤在通訊軟件發長文，對於自己說了比較重的說話，向粉絲道歉，亦對節目組感抱歉，並提到曾有粉絲上樓敲他家門，對家人造成極大困擾和擔憂。

鄧智堅認做得唔好

另外，藝人鄧智堅參加無綫新綜藝節目《好聲好戲》，提到他早前扮演姜濤做「薑蓉」，被對方Fans聲討，他表示全收網民對他抨擊的聲音：「有好人都有關心，之前都有作一個簡單嘅解釋，無論解唔解釋都好，作為一個演員，喺每次演出之後都會作出檢討，今次亦都唔例外，確實自己有溝通不足做得唔好。（有睇到對方冇怪你？）大概知道嘅，要多謝佢，適當嘅解釋就夠，再講落去大家來來回回，對自己同節目嘅焦點都唔係件好事，喺嗰日嘅記招係有模仿其他人，嗰段只係簡短介紹，喺配合上未夠完善。」問到有否嚇到以後不敢再扮嘢？他說：「唔會，始終二次創作喺香港嘅精神，但喺往後演繹、角度會好啲、小心啲，做好啲準備工夫。」

講到這次上節目挑戰配音，問到有配音經驗的他，是否會更勝一籌？他坦言不是，更會因此感到壓力：「好多幕後工作人員都話要畀啲難啲嘅題目畀我，但其實我平時配開卡通電影，少配真人，今次仲要係配啲好前輩級嘅演技，真係好大挑戰！仲要喺眾目睽睽之下配，平時都係匿埋喺黑房入面。」有被評判批評？他說：「有點評亦有鼓勵，有畀意見我點樣可以做好啲，我嚟都係想學習多啲，好耐冇參加真人比賽，可以畀我尋回初心。」