謝嘉怡處女配音　廣東話進步甩鬼妹仔口音全靠…

港姐謝嘉怡（Lisa）為無綫新綜藝節目《好聲好戲》獻出處女配音，擁有鬼妹仔口音的她對全廣東話題目冇有怕，覺得比想像中易：「OK嘅！開頭嗰啲對白慢啲簡單啲，但挑戰第2段快啲嘅就甩咗。（甩咗有冇唔小心爆粗？）冇，之後練到凌晨3點幾，竟然個效果好啲，可能夜晚易練啲，亦係最好嘅方法。」

講到她現時做訪問對答如流，Lisa開心謂廣東話有進步到，打趣問是否認識了香港男友所以廣東話大躍進？她笑住否認，解釋是狂睇電視學習：「加上除咗同媽咪講嘢係用英文之外，同其他人講嘢都係講中文，想挑戰一吓自己。」又說現階段不想拍拖，想專注於事業上：「拍拖要花時間喺對方身上，依家得番大約2個月嘅港姐任期，唔想放棄進步嘅機會。（屋企人有催？）冇，佢哋叫我快啲練習廣東話，點解仲講得咁差，之後想試吓拍戲。」