楊冪零P圖曝光　網友插走樣：法令紋夾死蚊

大陸女星楊冪除咗係話題女王，大家爭住睇佢同細佢3年嘅魏大勛嘅感情發展之外，佢更加係宅男女神，就算做埋媽咪都一樣穩坐神枱，不過近年佢就被網友頻頻話佢走樣兼現老態，而佢尋日（3日）出席公開活動時，更被指網友上載嘅零P圖新相嚇親人！

楊冪工作室尋日晒出佢活動新相，見佢着上Low Cut連身晚裝索爆美艷，仲喺休息室不斷搔首弄姿影寫真，依舊凍齡。點知到網友晒出現場圖片就出現大對比，零P圖新相中網友就發現佢法令紋明顯到可以夾死蚊，除咗顯老仲略帶膠味，雖然身材曲線完美但個樣就盡現疲態，似乎同工作室所晒嘅新相對比太大。