懶理緋聞！黃宗澤晒「女友」　網友讚有品味

藝人黃宗澤早前被傳撻着失婚網紅，但佢受訪時否認緋聞，話只係同對方食過餐飯。尋日佢懶理緋聞，名正言順喺社交網晒「女友」，其實佢所謂嘅女友，只係架古董車，佢晒相並留言：「終於有時間同『女朋友』出去兜兜風！」唔少網友留言大讚有品味，仲話好想坐一坐添！佢嘅好友陳敏之、岑麗香同埋張繼聰都讚正嘢，陳敏之仲問佢借嚟影相添！

黃宗澤受訪時表示：「架車我嘅，唔係拍嘢！」據知，買完番嚟再執吓啲零件，前前後後使費差唔多要2百萬！