大肚都要Keep Fit！湯怡做倒立麥秋成傍實

現正佗B嘅藝人湯怡，不時於社交網分享懷孕近況，呢日佢就大晒做瑜伽嘅照片，其中佢更大玩倒立，令唔少網友為佢感到「牙煙」。不過佢就表示自己一向有做開倒立，加上全程有老公麥秋成在旁傍實，故大家不用擔心，佢留言：「今日天陰陰，心情都爭少少，做下運動拉下筋開心番。大家請放心，我懷孕前一直有做headstand（倒立），依家都係有麥生喺隔籬，安全情況下先做。孕前未學過嘅準媽媽，記得唔好亂做啊！」而佢除咗孕肚外，四肢依然相當纖幼，成功維持弗爆身材。