炒晒車！姚子羚童年照驚變《少林足球》阿梅

今日兒童節，唔少藝人都晒出童年照應節，其中藝人姚子羚就甫出細個表演扮小天使嘅照片，不過佢就笑指當年造型嚴重「炒車」，更指妝容同《少林足球》中趙薇飾演嘅「阿梅」有得揮，佢留言：「當年我應該係扮小天使，當年我阿媽好有時尚嘅觸覺，幫我化咗個少林足球阿梅妝，係咪好潮呢？」

另外，歌手JW亦晒出童年照，見佢外表變化不大，多年來Keep住童顏，佢表示：「發現原來我從來都冇慶祝過兒童節，祝願所有小朋友健康快樂，享受小朋友嘅單純和無憂無慮嘅生活。」