成副身家擺落去！姚亦澧開舖賣食材撈埋打雜

多棲藝人姚亦澧年前與友人合資引入流水蝦生意，豪掟千萬連開3間餐廳，有見疫情下市民紛紛當家作「煮」，姚亦澧睇準時機，以月租數萬元租下荔枝角工廈一個2千呎單位開設樓上舖，主要售賣來自日本、泰國及美國的食材。貴為老闆的他，日前趁有份參演的新劇《白色強人II》大隊赴內地拍外景，即抽空返舖頭幫手，由開箱到擺貨上架到打雜，事事親力親為。其後有顧客光臨，他即變身Sales介紹產品，忙到連吃午飯也沒時間。

對於疫市大手筆投資，姚亦澧受訪時表示與股東們均對前景有信心：「相信始終會復甦，所以都有幾樣嘢投資，搞餐廳之餘，做埋喺屋企下廚嘅客，仲有網上送貨服務，預咗要守一段時間，成副身家擺落去，惟有慳得就慳。」