「師傅」駕到!張曦雯嗌幸福 拍足半年劇難離難捨

20210405
東網電視
更多新聞短片
藝人張曦雯(Kelly)隨電視劇《白色強人II》團隊,到內地拍攝外景。出發前靚女一度擔心「度日如年」,然而刻下拍攝工作幾近完成,她反過來感到依依不捨!
目前身在上海的她表示:「我哋只係留喺上海3日,主要拍攝我同郭晉安(安仔)嘅談情戲。首晚開工已經有Paul哥(秦沛)嚟探班,原來佢喺附近同朋友食緊飯,知道我哋喺度就專登過嚟,佢喺《踩過界II》演我師傅,而安仔依家又教緊我嘢,好似有兩個師傅陪住我咁,感覺好幸福。」
由於時間太匆忙,她慨嘆未能四出瀏覽上海的風景:「不過呢度真係好靚。返到深圳再留多一陣,就差唔多準備返香港喇。今次拍攝期長達半年,台前幕後都建立咗好深嘅友誼,係另類嘅得着。」