森美打低過度活躍症　靠轉數快攻演藝事業

DJ森美和在會考獲5A、1C、1E有28分成績的「尖子」孫耀威曾有「中大雙雄」美譽，不過森美求學時曾受專注力失調及過度活躍症困擾，對學習構成障礙，就算現時投入社會工作，有時亦因難集中精神而影響睇稿速度，而日前他以「過來人」出席過度活躍症活動，分享親身經歷：「呢個症狀會令我喺職場上遇上無數挑戰，好似背誦講稿對我嚟講係好困難，只能夠記低有意思同有邏輯嘅事，否則只有4句對白都難以完成，簡單幾句對白都要重複背10幾次，搞到自己好緊張，偏偏愈緊張愈記唔到。」

雖然如此，可是森美依然積極面對自身問題，付出更大的精力，並以自己「轉數快」的優點，逐步克服過度活躍症所帶來的難關。不過他又覺得病患帶給他不便外，亦有助其演藝事業：「因為我怕悶，性格又鍾意新事物，成就咗我成為DJ同藝人，對應要求創新不斷、經常要轉換主題嘅電台節目主持工作崗位，反而好絕配。」