阿女請食手搓紫菜　謝安琪潔癖發作頂硬上

歌手謝安琪（Kay）不時分享同屋企人嘅日常生活，呢日見佢分享一條片，見囡囡Karina分咗一塊紫菜畀佢食，但就只分指甲咁細塊嘅紫菜餵爸爸張繼聰食，而且好笑嘅係，囡囡要搓扁塊紫菜先畀Kay食，搞到佢驚驚地咁笑問囡囡：「你隻手好似未洗喎？」囡囡即「霸氣」秒答：「我洗咗啦！」十分爆笑！

有潔癖嘅Kay即刻將紫菜轉讓畀老公，但阿聰十分抵死笑言：「大未必好、未必安全，做人媽媽你就要食，你食啦，唔可以咁樣傷害個女。」佢仲叫囡囡返嚟「命令」媽咪食，相信Kay只好無奈吞落肚！佢留言謂：「最大份的愛，紫菜是鹹的，吃着卻很甜，作為一個有潔癖的人，有一點崩潰，但我不介意.......（很細聲）。」一眾圈中好友及網友睇到笑爆嘴！