李爾晨「疫市」開健身室　樂易玲陳瀅現身力撐

甲一排球員出身嘅邵氏藝人李爾晨，入行後劇接劇發展順利，最近更無懼「疫市」搞生意，開設健身室。日前開張時獲大批圈中好友支持，包括陳瀅、余潔滢、樂易玲、楊天宇、王賢誌及黃建東等，場面熱鬧。

佢喺社交網大晒多張合照，並留言：「疫情下的香港。好多人都會話呢個唔係開業嘅最佳時機，但我等唔切喇，由細到大，開設一家有風格嘅健身室係我一直以來嘅夢想，用文字表達唔到我有幾想，總之就是好想好想，更何況，世界上沒有一個絕佳時機，最好的時機，就是你已經準備好，所以，就是現在。」此外，佢亦做生招牌，拍片赤膊上陣教操腹肌，相當落力。