28周嚴重宮縮　關宛珊靠運動捱過早產驚魂

藝人關宛珊與主持林溥來（Patrick Sir）於2016年拉埋天窗，去年尾更宣布成功造人，現正進入懷孕最後階段的她，今日於社交網發文自爆在佗B第28周時一度嚴重宮縮，醫生更擔心有早產可能，她表示：「28周BB仔已經轉咗頭兼入咗盆，而當時我們還傻傻不清楚狀況，還拍了14小時孕照，難怪當天宮縮情況嚴重到『個肚硬過張枱』，醫生一直驚我會早產。」

幸好她聽從醫生建議，多散步及做適量運動，如今BB能順利待至預產期，令她大為感動：「到34周發育良好，有接近6磅，醫生話就算隨時岀世都不用入箱。喺減食兼增加活動量嘅情況下，依然敵不過BB仔嘅吸收，36周有接近7磅，頭仔更大了3星期，醫生建議38周就要提早催生或開刀，原來BB仔只係話比我哋知佢已經準備好啫，人生就是如此意想不到，幸好我一直抱住平常心，認為BB仔會選擇他岀世的方式。」