晒倒立為呃Like？網民狠批大肚湯怡做高危動作

藝人湯怡久唔久都會喺社交網分享懷孕嘅近況，尋日佢就晒咗張大住肚玩倒立嘅相，雖然佢已經講明自己一向有練開，如果冇練習過嘅朋友就唔好學，同埋佢老公喺身邊睇實，但係仍然引嚟不少網友熱議，有網民指她任性，認為懷有身孕唔應該做倒立，擔心會發生意外，甚至有網民竟然指佢咁做係為咗「呃Like」！雖然受到網民批評，但係佗住B嘅湯怡心情似乎未受影響，見佢喺社交網晒出新鮮出爐嘅麵包相，仲留言話係整定明日嘅早餐。