新長腿女神登場 葉蒨文盧慧敏鬥餐懵!

20210406
東網電視
更多新聞短片
長腿代有人才出,一代新人勝舊人!陳敏之、連詩雅呢啲長腿索女大家都睇咗唔少,娛圈不斷湧現新靚女,今次等我哋盤點吓有咩新長腿女神!
盧慧敏
盧慧敏Amy Lo係混血索模,身高177cm,擁有40吋長腿,佢喺哥斯達黎加出世,5歲先同屋企人移居香港,精通3種語言,西班牙文、廣東話同埋英文。Amy模特兒出身,近年轉型拍攝影視作品,幫ViuTV拍咗唔少劇集,好似《瑪嘉烈與大衛系列 - 前度》、《身後事務所》 、《仇老爺爺》等,因為佢同廖碧兒有啲似樣,喺《前度》中飾演對方年輕版,喺《身》就演母女,非常有緣。
葉蒨文Sophie
葉蒨文(Sophie)依家28歲,選港姐入行,喺《愛.回家之開心速遞》中飾演Candy而為人熟悉,仲有「島大女神」之稱,深得網民喜愛。最近播出嘅《大步走》佢都有份演出,當中一幕勾引林子善場面,大晒白滑長腿,非常誘人,更成為網民熱話!而佢對護腿都相當有心得,話入行之後開始注重護理,成日會搽Cream,一、兩個星期就會做磨砂。
陳楨怡
陳楨怡係港姐亞軍,仲係高妹一族,身高有成175cm,對招牌「筷子腳」非常搶眼,咁佢都好識冧粉絲,成日晒長腿派福利,有時仲會着埋黑絲添!之前陳楨怡食米芝蓮二星餐廳午餐,埋單人均都要1,200蚊,即時被人話炫富,不過其實佢都好貼地,會食魚蛋粉同埋睇平價家具,女神都會放屁,大家唔好要求咁高啦!
余思霆
余思霆係2017年華姐冠軍,身為台妹嘅佢樣靚身材正,仲要鬼咁Sweet,依家同藝人朱敏瀚蜜運當中。早前佢返咗台灣工作,趁有空就去咗夜蒲,仲同一男子大跳熱身舞,相當火辣,不過朱敏瀚就好大方,話相信女友咁話喎!而最近熱播嘅《愛美麗狂想曲》,余思霆都有份演出,喺劇中大玩長腿放題,係咁晒靚腳,又成日着住緊身衫,好身材即時出晒嚟。
鄭嘉欣
鄭嘉欣做模特兒出身,曾參加《全民造星III》,因為佢有178cm身高而備受關注,長腿有成44吋長,認真誇張,仲有「港版石原聰美」之稱,不過呢喺50強止步,仲被花姐寸係花瓶,但佢仲有一個歌星夢,豪言唔會放棄咁話!雖然又高又靚女,但佢唔介意主動出擊追男仔,矮過佢都唔mind添,最緊要笑得好睇同埋要陽光型!
----------------------------------------
世事如棋局局新,娛圈熱話數之不盡,唔想Out、唔想同班Friend冇話題?就一定要留意繽FUN專題嘅「熱話」喇!