陳凱琳生意拍檔千萬豪宅靚裝修曝光!50萬預算出嚟效果係...

20210406
東網電視
更多新聞短片
前港姐冠軍陳凱琳嘅生意拍檔雪姨(Snow E)喺去年以低於市價200萬嘅價錢,以950萬買入「香江才女」林燕妮寶馬山花園故居,實行送一份千萬禮物畀媽咪。舊年10月收樓,經歷半年時間已裝修完畢,雪姨急不及待帶媽咪睇新居,仲拍埋片等網民牙癢癢。最抵死係佢預50萬Budget畀設計師搞裝修,出嚟嘅效果竟然係起碼80萬豪裝,真係羨慕死人咩!
睇番間屋,最搶眼一定係廚房,用上雲石地板,洗手盆上面更設有感應燈,所有爐具電器五臟俱全,媽咪見到咁靚都不禁話︰「我冇諗過自己可以有間咁靚嘅屋呀!」雪姨即話︰「媽咪你間屋依家靚過我間屋好多!」
而客廳設計同廚房互相呼應,一張3座位L形梳化勁舒服;廁所方面更同5星級酒店一樣,企缸有Rainshower,又有暖管位放毛巾,雪姨開心到震話︰「呢個係我睇過咁多睇樓片,真係最靚嘅一間樓。」
間屋咁正,雪姨都不禁留言︰「幾個月以來,基本上我冇理過間屋,我媽咪不斷問我間屋裝修成點,幾時可以搬入去,我真係完全冇理過。」佢仲爆今次用50萬裝修,係打人情牌:「當設計師想買一樣東西,如果我嫌貴,設計師就會話︰『我畀一半啦!』,我懷疑呢度係80幾萬嘅嘢。」設計師就話就當小小心意送畀雪姨媽!
----------------------------------------
靚屋人人都鍾意睇,到底藝人住緊咩Dream House?繽FUN專題嘅「靚屋開箱」就帶你登堂入室,睇吓佢哋住得幾豪、幾舒服!