疫下影響收入！葛民輝搬離淺水灣豪宅暫住酒店

藝人葛民輝百足咁多爪，做電台、拍戲之餘，仲搞埋自家潮牌，搵得嚟使得去，當然住得豪。不過，香港受疫情影響，百業蕭條，有傳阿葛嘅收入亦大受影響，冇乜手頭工作外，旗下公司生意更有指直線下滑。

據知，阿葛一家近日已搬離月租約13萬嘅淺水灣豪宅，並搬到酒店暫住。不過阿葛寧願自己捱，亦冇裁員減薪，希望等個市好番，大家日後有好日子過。