曾志偉回巢撼ViuTV 強尼:做好本分

20210406
東網電視
更多新聞短片
強尼及陳俞希貴為ViuTV「一哥」及「一姐」。
ViuTV「一哥」強尼及「一姐」陳俞希(Hailey)於5周年台慶後受訪,Hailey表示開台首年已經在場,今日上台特別感觸,電視台做到給予香港人更多選擇這個承諾,變得更聲勢強大。
於台上笑言出街被好多女Fans認出的強尼,抵死表示此番話只是跟稿讀,不過他亦感有愈來愈多Fans支持:「雖然第1年開台我未喺度,但往後都主持過幾次節目巡禮,之前可能都要請啲嘉賓幫手,但依家發展到成個騷都可以全部都係自己人,無論係歌手、演員、主持都係自己人,幾年之間就可以變得多元化,見證公司進步,亦見到廣告商同外界對公司接受度提升,真係好滿足。」
對於外間指無綫專程邀請曾志偉回巢對撼ViuTV的綜藝節目,Hailey先笑說:「我唔敢講自己有威脅到人哋,我睇得自己好渺小。」至於強尼坦言只是做好自己的本分:「依家漸漸得到大家認可,會再要求自己做得更有質素,唔再只係做自己眼前嘅工作,每個演出都代表住公司,成個電視台一齊努力再做更有質素嘅節目。」