【蔡思貝為愛車置業】胡鴻鈞開口恨收車位做禮物

歌手胡鴻鈞在將軍澳電視城為進行新改革的《勁歌金曲》擔任嘉賓。近日忙於拍攝新版《十月初五的月光》電視劇今朝開早班的他，收工即趕來節目，他說：「好開心見到皇上（張敬軒），好緊張，每次見親佢都有心動嘅感覺，因為佢係我偶像，我未出道已經鍾意佢，每次見親佢都好似小粉絲咁。」近日生日的他指生日願望是能與偶像合作，無論唱歌、拍劇也可以。

被問到緋聞女友蔡思貝怎樣為他慶祝生日？他表示：「佢同我講咗句生日快樂，同埋叫我加油拍劇。（佢最近買車位喎？）恭喜佢做車位業主。（送新車畀佢？）我有錢都自己換車先啦。（希望佢點同你補祝生日？）叫佢送咗個車位畀我，或者畀張相我望吓，等我羨慕吓都好。」