【結婚夢碎】許瑋甯將星二代男友降呢變朋友

台灣女星許瑋甯2017年認戀星二代男模、攝影師劉又年，自此就不斷傳出2人嘅婚訊，原來佢哋早已分手，據台灣媒體透露，最近許瑋甯更親口將對方降呢，多次強調2人只係朋友。

現年36歲嘅許瑋甯，佢近日忙為新愛情片做宣傳，片中佢仲同邱澤有親密戲，有台媒就偶遇佢工作過後去開餐，上前問到佢愛情狀態時，佢就稱希望大家關注佢嘅電影宣傳上，又希望保留隱私等，不過當問到佢同男友係咪冇聯絡，佢就直指：「真的是朋友！」直接將劉又年降呢變朋友，委婉地證實分手傳言。至於電影上映後劉又年有否致電關心，許瑋甯都只係稱「朋友之間的恭喜」2人感情狀況一目了然。