衛詩雅緊張票房瞓唔着 成個瘦晒當眾露胸墊

2021年04月07日 15:09
東網電視
更多新聞短片
藝人衛詩雅在尖沙咀以代言人身份出席美容院新店剪綵活動,消瘦不少的她以性感低胸裙亮相,拍照時裙子不斷滑下,更露出胸墊,她要不時拉高裙子,避免走光。
她指與美容院已經合作了4年多,平日除了做Facial,更會進行脫毛美容,她笑說:「我細個係毛孩嚟,個嘴好似美人生鬚咁,依家做咗全身脫毛,好滑架,滑到條裙都跌咗落嚟,哈哈。」
最近有新片《不日成婚》上映的她坦言因關注票房,壓力令到她消瘦不少,她說:「條裙已經比平時細兩個碼,但係都唔啱,壓力好大,瞓得唔好,依家每朝起身,就好似睇股票咁睇吓套戲嘅票房,同埋忙周圍去謝票,套戲票房還可以,口碑就好好,有計劃開第2集。(第2集繼續搵埋姪女拍?)演出還演出,唔敢再叫佢做訪問,佢好開心睇到咁多版面報道,我話佢唔入行就浪費晒,畀佢搶晒鏡。都考慮搵埋佢細佬演出,不過,私心嚟講就唔想佢哋入行,因為會變到老積晒,冇咗童真。」