淫羊藿自然界偉哥?

20210407
東網電視
更多新聞短片
因為工作繁忙,加上精神壓力大,令好多在職男士都缺乏性趣,就算上到床亦會發覺硬度不足,咁點算呢?有研究指淫羊藿呢種草本植物可有助改善性功能障礙。有傳有人見到山羊食咗呢種淫羊藿葉之後,可以同母羊瘋狂交配,所以就將佢視為男士補品。
喺外國亦有好多人相信淫羊藿有助提升人類嘅運動機能,令肌肉更有力量,耐力亦會增強,所以有人會將淫羊藿製成為營養補充品,以加強做運動時嘅表現。不過,淫羊藿雖然有其功效,但係食落肚嘅嘢始終都係要先諮詢一下專業意見,睇吓適唔適合自己嘅體質,以及了解使用方法同分量。
功效一
補腎壯陽、祛風除濕,能產生人體雄性激素,有助促進精液分泌以及刺激感覺神經,再激發出性慾令陽具更容易勃起。
功效二
有研究指出淫羊藿能提高機體兔疫功能,特別是對腎虛病人免疫功能低下嘅情況有改善作用。
功效三
具有鎮咳祛痰,以及抗缺氧、鎮靜、抗驚厥嘅作用。
增加產生性慾?
意大利米蘭大學天然藥物實驗室進行咗一項研究,將多種常見嘅中草藥進行取樣分析,發現淫羊藿含有類似五型磷酸二酯酶(PDE5)抑制劑嘅成分,同「偉哥」嘅主要成分一樣,稱得上係「大自然界嘅偉哥」。
據性生理專家研究所得,發現人類性行為出現問題,好大程度同個腦有關,因為腦下垂體中嘅性腺軸、腎上腺軸同埋胸腺軸等,而服用淫羊藿能加強腺體嘅分泌,令身體男女激素增加產生性慾。同時,仲有抗衰老嘅作用,減少內臟過度氧化或者脂肪化嘅情況,增強免疫系統,對機體免疫功能有雙向調節作用,激活淋巴細胞對抗病毒入侵。另外,對心血管系統亦有療效,病人服用後會有血壓下降或擴張血管嘅作用。
據老中醫講,淫羊藿無錯係功效神奇,但服用淫羊藿要看各人體質,再配不同草藥,服用一段日子,先至可以發揮出佢嘅功效,使用前一定要問過中醫意見先呀!