曹永廉拍床戲暈足個幾鐘 譚俊彥女兒入讀心儀學校安落晒

2021年04月07日 23:13
東網電視
更多新聞短片
藝人曹永廉(阿廉)、譚俊彥(Shaun)今日為無綫劇集《十八年後的終極告白2.0》拍攝外景,二人有場追車戲份,見他們匆匆上落車時動作敏捷。阿廉透露拍完此劇後會緊接拍攝古裝新喜劇,與周嘉洛、JW等合作,更有不少動作打戲。問會否難到他時,他笑謂:「之前拍《包青天再起風雲》時都要打,自己手腳向來唔協調,事前都要鬆吓啲筋骨先,不過有時我都專登唔打咁好,費事畀人定位我做武打明星。」2年前他曾患上耳水不平衡,更試過拍攝後要坐於停車場3小時才可揸車,日前拍此劇一場瞓床戲時,他再度病發,阿廉謂:「當時冇枕頭,我瞓咗3分鐘,開始頭暈,我同導演講可唔可以拍咗我先,後來工作人員都幫我準備嘔吐袋,最後我要喺化妝間坐咗個幾鐘先得。」
至於Shaun明顯比拍攝初期瘦了,他坦言由於不夠時間作息,每天開工只瞓得4小時,所以兩星期內都瘦了幾磅。他受訪時謂:「成個半月,我每日都開成20個鐘,(復活節咪陪唔到仔女?)陪唔到呀!阿女畢業禮影相我都去唔到,佢哋有時唯有出嚟陪我食lunch。」女兒快將升小一,之前進行面試,幸而最終入到他們心儀的學校,Shaun笑言放下心頭大石,他謂:「大家都安落晒,老婆安落晒係因為終於搞掂,我安樂晒係因為老婆唔會跳掣,之前我都要打燈同買器材畀阿女喺屋企面試,因為疫情關係要拍片或者Zoom面試。」