盤點台妹索護士!36D姑娘除低制服影性感寫真

2021年04月08日 08:03
東網電視
更多新聞短片
相信大家對護士呢個職業,一啲都唔會陌生,有咩唔舒服去睇醫生,就一定會見到姑娘啦!佢哋畀人嘅感覺就係純潔嘅白衣天衣,充滿着愛心去照顧病人。喺盛產靚女嘅台灣,有唔少索到嘅爆姑娘,平日開工着住制服包到實,但係佢哋收咗工除低制服,隨時嚟過大解放,仲唔介意同網民開心Share火辣性感相,喺網上人氣高企,吸咗好多粉絲㗎!
小莓
有「野性護士」之稱嘅小莓(許雅慧),喺台灣一間大型醫院工作,佢之所以爆紅,係因為有次佢嘅靚相,無意中畀網友放上討論區Share,即引起網民熱烈討論,話估唔到原來有咁索嘅護士,仲話就算個病好番,都唔願出院添!
擁有36D火辣身材嘅佢,除咗做護士,平時仲會兼職做模特兒影寫真,打扮性感大擺野性姿勢,解放Big爆上圍,同無敵長腿,成功捕捉網民嘅視線同內心,喺社交網吸咗近34萬粉絲!
怡葶
做護士有逾5年經驗嘅網紅怡葶(Elle),皮膚白滑,加上甜到漏嘅笑容,迷倒唔少宅男!擁有34E豐滿上圍嘅佢,雖然佢平時返工着住制服,但依然藏唔住佢嘅好身材,胸前粒鈕好似隨時會爆開呀!加上佢有Fit爆纖腰同蜜桃臀,盡展S形曲線,相當誘人!佢又從來唔會吝嗇身材,成日晒社交網Share性感相,吸咗逾24萬粉絲!
講到佢最爆一次,就係佢上節目分享做護士經歷,指有次負責照顧遇車禍入院嘅富二代,對方個富爸爸仲睇中佢,想以月薪15萬新台幣(約4.1萬港幣),請佢做私人護理,為佢送上金飾等重禮,仲想佢嫁畀佢個仔添!不過最後佢都係婉拒咗,表示自己希望在大醫院工作。
林柔君
有台灣「最美護士」之稱嘅林柔君,五官精緻立體,擁有性感厚唇,加上一身古銅色肌膚,同埋36D-24-36前凸後翹嘅好身材,佢成日喺社交網晒火辣性感相派福利,吸咗44.5萬粉絲,人氣爆燈!佢仲因為外表亮麗,加上魔得身材,成功吸引多間外國媒體報道,紅到去菲律賓、越南等地,被封為「全球最正護士」添!