Angelababy湊仔返學掛嘴邊被指博好感!掀網民罵戰

2021年04月08日 10:02
東網電視
更多新聞短片
Angelababy同黃曉明婚變傳聞沒完沒了,Baby將寄託放喺囝囝小海綿身上。近日網上瘋傳佢接受訪問時大談湊仔經歷,即被無限上綱話佢博好感,引起網民激烈討論,更一度登上熱搜榜首位。
訪問中,Baby透露自己喺上海嘅時候,每朝都會陪囝囝返學,更會叮囑個仔:「你要加油噢!給你比心。」佢又話小海綿最鍾意黐住自己,唔肯返學,可能係分離焦慮症。Baby就會同個仔講,每日需要完成嘅事情係「1234」,做完之後就可以見到媽媽,兩母子要一同進步,用一種快樂嘅語氣同個仔分享。
雖然講到自己有幾錫個仔,但有網友似乎唔係好受落,認為陪個仔返學好平常,亦有網民指Baby係博好感,建立自己良母形象,但有人認為Baby對個仔充滿愛,因而掀起網上罵戰!