唔係圈外老公！龔柯允被拍到密會型男

有「翻版謝安琪」之稱的馬來西亞歌手龔柯允（Karen）早前參加歌唱比賽《全民造星III》後，憑唱功吸納了不少歌迷，而日前有讀者爆料指她和型男密會，但男方非她圈外人老公。

Karen接受訪問時表示：「其實我嗰日係約咗唱片公司高層傾合約，因為公司老闆睇到我喺《全民造星III》嘅表現，而我又覺得公司promote得同樣參加比賽嘅Bingo好好，所以好有興趣合作。」問到在《全》中未得名次，但仍有唱片公司垂青，她感恩說：「我冇諗過可以喺比賽中得到乜嘢，但有公司搵我，真係好幸運。」她開到口恨跟同門大師兄陳展鵬合唱，大讚他：「佢好Charm，如果有機會合作就好。」同時亦期望有機會拍劇，因為她也是港劇迷，住馬來西亞時日日煲劇學廣東話。

問到其榴槤生意如何？她又謂多謝「果王」在疫情期間養活她：「好在有榴槤生意嘅收入先維持到我喺香港嘅生活，榴槤仲支持到我嘅夢想。」