同陳婉衡一星期見足5日!簡淑兒潛水派心心

2021年04月08日 12:14
東網電視
更多新聞短片
「腰果眼女神」簡淑兒為咗做運動真係豁出去,成日孖住「咪神」陳婉衡行山,真係見對方多過見屋企人。不過佢哋今次唔係行山,而係反高潮落海潛水。
今次唔只得佢兩個,都搵埋「飛機師男神」麥大力一齊落海,簡淑兒梗係要將今次經歷開心Share啦,見佢上水後仲做咗個心心手勢以示大成功,唔少網民都讚佢叻,佢又留言:「上個星期上山,今個星期下海,同陳婉衡一個星期見五日 !」幾乎日日見,睇嚟佢真係同陳婉衡難捨難離呀!