傳好事近！Ariana與未婚夫初夏結婚？

美國樂壇天后Ariana Grande與未婚夫Dalton Gomez打風都打唔甩，最近有娛樂雜誌更踢爆2人即將拉埋天窗！

據消息人士指2人會於今年初夏舉行婚禮：「佢哋已喺幾個唔同嘅城市搵緊婚禮場地，但最有可能會選加州。」有指2人想舉辦1個非常小型以及親密的婚禮，不過一切要等待疫情過後安全才會落實舉行。27歲的Ariana與25歲的地產仔未婚夫去年2月傳緋聞，直至5月才於MV《Stuck With U》中公開戀情。7個月後2人宣布訂婚。