被指為入名校谷大仔考五級小提琴試　陳倩揚咁回應

前港姐陳倩揚與丈夫婚後誕下2男1女，而她一路都主張唔谷小朋友，不過有網民就於社交平台上爆料指，某女藝人司儀為催谷兩個仔仔入名校，要求小提琴老師用幾個月時間去教仔仔學五級考試歌，仲有傳成功插班入名校，該網民更將該音樂學校的社交網網址公開，裏面寫住陳倩揚寶貝仔陳羲廷（Auryn）跟隨本校小提琴主任學習僅數個月，於今年2月考英國皇家音樂學院五級小提琴並獲得Merit佳績。網民即時議論紛紛，指陳倩揚係怪獸家長，口講唔谷，實際谷到爆！

不過陳倩揚就有解釋，佢話學小提琴係大仔興趣，咁啱遇到個好老師啟發到仔仔，而且仔仔係自細學起，絕對唔係幾個月就谷到考5級，而細仔學小提琴都只係BB級階段，對於催谷小朋友入讀名校？佢就話一路都冇透露兩個仔讀邊間學校，佢會繼續因材施教，令仔仔愉快學習。